09.04.2021

ТАВАҶҶУҲ!!!

Кумита озмуни ҷумҳуриявии «Шуъба (бахш)»-и беҳтарини ҳифзи муҳити зистро бахшида ба 30-солагии Истиқлолияти давалтии Ҷумҳурии Тоҷикистон эълон менамояд

Кумитаи ҳифзи муҳити зисти назди Ҳукумати Ҷумҳурии Тоҷикистон бахшида ба 30-солагии Истиқлолияти давалтии Ҷумҳурии Тоҷикистон, мутобиқи сархати 12-и боби 3-и Низомномаи Кумита, озмуни ҷумҳуриявии «Шуъба (бахш)»-и беҳтарини ҳифзи муҳити зистро бо мақсади ҳавасмандкунонии фаъолияти мақомоти маҳаллии ҳифзи муҳити зисти ҷумҳурӣ эълон менамояд.

Озмуни ҷумҳуриявии «Шуъба (бахш)-и беҳтарини ҳифзи муҳити зист» тибқи талаботи Низомномаи он моҳҳои май-августи соли 2021 дар ду марҳила гузаронида шуда, аввали моҳи сентябри соли равон ҷамъбаст карда мешавад.

Марҳилаи аввали озмун дар байни шуъбаю бахшҳои ҳифзи муҳити зисти шаҳрӣ ва ноҳиявӣ дар вилоятҳо аз 20 май то 20 июл ва марҳилаи дуюми озмун дар сатҳи ҷумҳуриявӣ аз 25 июл то 20 августи соли равон гузаронида мешавад.

Озмун аз рӯи шартҳои зерин ҷамъбаст мегардад: ободонию ороиши бинои маъмурии шуъба (бахш) ва ҳудуди вобасташуда ба он, мусоидати шуъба (бахш)-и ҳифзи муҳити зист ба корҳои ободонӣ, бунёди боғу гулгаштҳо, кабудизоркунӣ, сатҳи иҷрои нақшаи корӣ, гузаронидани аксияҳои «Тозагии маҳал» ва «Тозагии соҳил» бо ҷалби аҳолӣ, мусоидат барои ба экспертизаи давлатии экологӣ фаро гирифтани иншоотҳо, рафти иҷрои барномаҳои давлатӣ ва соҳавӣ, ҳамкорӣ бо ташкилотҳои байналмилалӣ доир ба ҳалли масъалаҳои экологӣ, сатҳи корҳои таблиғотиву ташвиқотӣ доир ба ҳифзи муҳити зист, истифодаи мақсадноки маблағҳо барои корҳои беҳдошти муҳити зист, ҳолат ва мавҷудияти нуқтаҳои партовҷамъкунӣ дар шаҳр ва ноҳия, рафти ниҳолшинонӣ ва кабудизоркунӣ дар маҳалҳо ва тозагии ҷӯйборҳо, роҳу роҳравҳо

Ғолибонро туҳфаҳои арзанда интизор аст.

Барои гирифтани маълумоти иловагӣ метавонед ба телефони 235-44-30 занг занед.