Таҷлили Рӯзи Конститутсия дар Сарраёсати ҳифзи муҳити зисти Вилояти Мухтори Куҳистони Бадахшон

Сарраёсати ҳифзи муҳити зисти ВМКБ бахшида ба Рӯзи Конститутсияи Ҷумҳурии Тоҷикистон дар толори маҷлисии худ ҷамъомади тантанавӣ баргузор намуд, ки дар он тамоми кормандони сарраёсати мазкур иштирок намуданд.

Ҷамъомадро сармутахассиси сарраёсат Сабзқадамова Ш. оғоз бахшида, кормандонро ба ин рӯзи таърихӣ табрику муборакбод намуд.

Дар чорабинӣ муовини раиси Ҳизби халқи демократии Тоҷикистон дар шаҳри Хоруғ Мавлобахшзода Райҳонбегим ва намояндагии ваколатдор оид ба ҳуқуқи инсон дар ВМКБ Мастоншоева Фарзона иштирок намуда, дар хусуси меъёрҳои ҳуқуқии инсон, ки дар Конститутсия дарҷ гардидаанд, ба иштирокдорон маълумоти муфассал дода шуд.