Омодагиҳо барои сазовор таҷлил гирифтани Истиқлолияти давлатӣ                                                                              

Истиқлолияти давлатӣ муқаддасттарин ҷашни миллӣ барои ҳар як давлати соҳибихтиёр ба шумор меравад ва хушбахтона халқи бузурги тоҷик ин неъмати бузургро доро мебошад.

Имрӯзҳо ба ифтихори таҷлили сазовори Ҷашни 31-солагии Истиқлолияти давлатӣ корҳои ободонию созандагӣ, аз ҷумла беҳбуд бахшидани ҳолати экологии шаҳру ноҳияҳои ҷумҳурӣ бо вусъат идома дошта, ҳар як фарди ватандӯст дар ҷои худ саҳмгузорӣ намуда истодааст.

Бо ин мақсад, кормандони мақомоти ҳифзи муҳити зист низ ҳар рӯзи шанбе, дар ҷойҳо аксияҳои экологӣ, ба монанди “Тозагии маҳал”, “Тозагии соҳил” ва шанбегиҳо гузаронида, аҳолиро баҳри беҳдошти муҳити зист ташвиқ менамоянд.

Аз ҷумла, шанбеи 3 сентябри соли ҷорӣ дар саҳни бинои дастгоҳи марказии Кумита бо иштироки кормандон шанбегии умумӣ баргузор гардид. Дар рафти баргузории шанбегӣ иштирокдорон ба корҳои тозагиву озодагӣ ва сабзухуррамгардонии ҳудуди атрофи бино машғул гардида, баҳри ободии муҳити зист саҳми худро гузоштанд.