Баргузории аксияи "Тозагии маҳал" дар шаҳри Бохтар             

                                          

Бо мақсади ободу зебо гардонидани ҳар як гӯшаи шаҳр ва фароҳам овардани шароит баҳри тақвият бахшидани амалҳои созандагиву бунёдкорӣ ва тозагии ҳифзи муҳити зист дар асоси нақша – чоранибиниҳои мақомоти иҷроияи ҳокимияти давлатии шаҳри Бохтар, роҳбарияти Кумитаи ҳифзи муҳити зисти назди Ҳукумати Ҷумҳурии Тоҷикистон бо ибтикори шуъбаи ҳифзи муҳити зисти шаҳр ҳашарҳои дастаҷамъона доир карда шуд, ки дар он кормандони ташкилоту муассисаҳои шаҳриву вилоятӣ фаъолона иштирок намуданд.

Ҳадаф аз роҳандозии тозакориҳо ин тозаву озода нигоҳ доштани фазои табиати маҳал, ташаккули тарзи ҳаёти солим, муҳайё намудани шароити хуби корӣ дар атрофи корхонаву коргоҳҳо буда, дар рафти ин тадбири экологӣ гирду атрофи ташкилоту муасиссаҳо аз алафҳои бегона тоза карда шуда, гулҳо шинонда шуда, бехи гулу гулбутаҳо тоза гардида ва партовҳо бароварда шуданд.