Баррасии Барномаи миёнамуҳлати рушд дар Вазорати рушди иқтисод ва савдо               

                                          

24-уми июни соли ҷорӣ дар Вазорати рушди иқтисод ва савдои Ҷумҳурии Тоҷикистон ҷаласаи гурӯҳи корӣ оид ба татбиқи Барномаи миёнамуҳлати рушди Ҷумҳурии Тоҷикистон барои солҳои 2021–2025 баргузор гардид. Дар кори ҷаласа намояндагони вазорату идораҳо, аз ҷумла Кумитаи ҳифзи муҳити зисти назди Ҳукумати Ҷумҳурии Тоҷикистон иштирок намуданд.

Мавриди муҳокима қарор гирифтани ин ҷаласа масъалаҳои марбут ба иҷрои Ҳадафҳои стратегии рушди миллӣ, ки дар Стратегияи миллии рушди Ҷумҳурии Тоҷикистон барои давраи то соли 2030 пешбинӣ шудаанд, буд. Дар ҷараёни баррасӣ, мутобиқати нишондиҳандаҳои соҳаҳои мухталиф бо нишондиҳандаҳои барнома мавриди арзёбӣ қарор гирифта, сатҳи иҷрои онҳо ба таври рӯйнамоӣ ва мушаххас пешниҳод гардид.

Намояндагони Кумитаи ҳифзи муҳити зист зимни ҷаласа таваҷҷуҳи ҳозиринро ба аҳаммияти татбиқи самаранокӣ дар самти ҳифзи муҳити зист, истифодаи оқилонаи захираҳои табиӣ ва мутобиқшавӣ ба тағйирёбии иқлим ҷалб намуданд.

Ҷаласа бо пешниҳоди таклифу тавсияҳо ҷиҳати таҳкими механизмҳои амалисозии Барнома ва ҳамоҳангсозии сиёсати рушд дар тамоми сатҳҳои идорӣ ҷамъбаст гардид.