БИНОИ НАВИ СТАНСИЯИ БАРФУ- ТАРМАСАНҶИИ НАВОБОДИ НОҲИЯИ ШУҒНОН БА ИСТИФОДА ДОДА ШУД             

                                          

Дар доираи сафари кории Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Вилояти Мухтори Кӯҳистони Бадахшон, дар ҷамоати деҳоти Навободи ноҳияи Шуғнон бинои нави стансияи барфу-гармонсанҷӣ ба истифода дода шуд.

Стансияи нав бо таҷҳизоти муосири мониторингӣ таъмин буда, барои назорат ва арзёбии вазъи барфу ҳарорат дар минтақа имкониятҳои васеъ фароҳам меорад. Ин иқдом бо дастгирии техникии Агентии Швейтсария оид ба ҳамкорӣ ва намояндагии ғайритиҷоратии Агентии Оғохон оид ба муҳити зист амалӣ гардида, ба беҳтар гардидани хизматрасониҳои обу ҳавошиносӣ мусоидат мекунад.

Ифтитоҳи чунин иншооти муҳими соҳа дар омодагӣ ба Ҷашни 35-солагии Истиқлоли давлатӣ, боз як намунаи рушди инфрасохтор ва таҳкими амнияти иқлимӣ дар минтақа ба шумор меравад.