Аксияҳои экологӣ дар ноҳияи Шаҳристон

Бо мақсади тоза намудани қадди шоҳроҳи Душанбе – Хуҷанд – Чанноқ, минтақаи ноҳияи Шаҳристон бо иштироки беш аз 200 нафар намояндагони ташкилоту идораҳо, муассисаи ҳоҷагии ҷангал ва аҳолии ҷамоати деҳот ба шоҳроҳ наздик бо иқдоми бахши ҳифзи муҳити зист дар ноҳия аксияҳои «Тозагии маҳал» ва «Тозагии роҳ» баргузор гардид.

Дар рафти аксияҳои экологӣ зиёда аз 20 км қадди шоҳроҳи мазкур, аз фаромади ағба то даромади шаҳри Истаравшан, аз партовҳои гуногун, хусусан партовҳои пластикӣ зарфҳо ва халтачаҳои полиэтиленӣ тоза гардида, беш аз 4 метри мукааб партовҳо ҷамъоварӣ ва бароварда шудаст.