Аксияи «Тозагии маҳал» дар ноҳияи Деваштич

Бахшида ба иди аҷдодии миллии дар пешистода, дар шаҳру ноҳияҳои вилояти Суғд баргузории аксияҳои экологӣ ва шанбегиҳои оммавӣ идома доранд.

Тибқи нақшаи пешбинигардида дар ҳудуди ҷамоатҳои деҳоти Яхтани ноҳияи Деваштич бо иштироки беш аз 210 нафар сокинони ҷамоат аксияи «Тозагии маҳал» гузаронида шудааст.

Дар рафти аксия корҳои ободонӣ, аз қабили тоза намудани 2 км ҷӯйбор, сафед кардани 2840 бех пояи дарахтон, шинонидани 180 бех ниҳоли дарахти санавбар ва 420 бех ниҳолҳои дарахтони сояафкан амалӣ гардидааст. Ҳамчунин, қади роҳҳо аз партовҳои гуногун тоза гардида, ба партовгоҳи ноҳия 1 т партов интиқол дода шуд.