Аксияи «Тозагии маҳал» дар ноҳияи Мастчоҳ

Бо мақсади тозаву обод намудани муҳити атроф ва беҳтар намудани вазъи экологӣ, тоза намудани ҷӯйбору майдонҳои марказ аз хазону баргҳои хушк дар шаҳраки Бӯстони ноҳияи Мастчоҳ бо ташаббуси бахши ҳифзи муҳити зист аксияи «Тозагии маҳал» ташкил ва гузаронида шудааст.

Дар рафти аксияи мазкур беш аз 400 нафар намояндагони ташкилоту идораҳои шаҳрак, аз ҷумла омӯзгорону хонандагони муассисаҳои таълимӣ фаъолона иштирок намуда, як қатор корҳои ободонӣ ба анҷом расонида шуд. Дар маҷмӯъ, ба масоҳати 47 ҳазор метри мураббаъ ҳудуд ва ба масофаи 6,6 километр ҷӯйборҳо тоза гардида, ба партовгоҳ 51,4 тонна партовҳо бароварда шудаанд.