Аксияи «Тозагии маҳал» дар шаҳри Хуҷанд

Бо мақсади беҳтар намудани вазъи экологии муҳити зист, ҷиҳати вусъат бахшидан ба корҳои ободонӣ дар  маҳаллаи Навбаҳори шаҳри Хуҷанд  аксияи “Тозагии маҳал” гузаронида шуд.

Дар аксия 350  нафар хонандагони литсейи касбӣ-политехникӣ, литсейи касбии техникии сохтмонии шаҳри Хуҷанд ва колеҷи тиббӣ иштирок намуда, канали калони байни беморхонаи вилоятӣ ва беморхонаи амрози чашм аз ҳамагуна партовҳои гуногун тоза карда шуд.

Гузаронидани чунин шанбегиву аксияҳои  тозагиву ободонӣ баҳри баланд бардоштани тарбия ва маърифати экологӣ дар дигар минтақахои шаҳри Хуҷанд  мунтазам амалӣ гардида истодааст.