| Кумитаи Ҳифзи муҳити зисти назди Ҳукумати Ҷумҳурии Тоҷикистон
Тоҷикӣ      Русский      English
"Зарур аст, ки мо ба масъалаҳои ҳифзи муҳити зист,олами
наботот ва ҳайвонот, вазъи экологӣ муносибати ҷиддӣ
нишон диҳем ва бо ин мақсад ба таҷдиди назар дар
масъалаи такмили қонунгузорӣ дар ин соҳа ноил гаштем."
Эмомалӣ Раҳмон
Меню
  • АСОСӢ
  • ОИДИ КУМИТА
  • ФАЪОЛИЯТ
  • ҲАМКОРИҲО
  • ҚОНУНГУЗОРӢ
  • МАРКАЗИ АХБОРИ ЭКОЛОГӢ
  • ЭЪЛОНҲО
  • Кумитаи ҳифзи муҳити зисти назди Ҳукумати Ҷумҳурии Тоҷикистон



    АКСИЯИ “ТОЗАГИИ СОҲИЛ” ДАР СЕЛПАРТОИ СВЕРИДЕНКО
    Ахбор

    АКСИЯИ “ТОЗАГИИ СОҲИЛ” ДАР СЕЛПАРТОИ СВЕРИДЕНКО             

    IMG-20220221-WA0002.jpg

    Сарраёсати ҳифзи муҳити зист дар шаҳри Душанбе вобаста ба иҷрои фармоиши раиси Кумитаи ҳифзи муҳити зисти назди Ҳукумати Ҷумҳурии Тоҷикистон дар ҳамкорӣ бо МД “Раёсати обёрӣ”-и мақомоти иҷроияи ҳокимияти давлатии шаҳри Душанбе аксияи экологии “Тозагии соҳил”-ро дар ҳудуди селпартои Свериденко доир намуд.

    Ҳадаф аз баргузории як чунин аксия, пеш аз ҳама, тоза намудани каналҳои аз ҳудуди шаҳраку маҳаллаҳо, ҷӯйборҳо ва новаҳои обгузар буда, иштироки фаъолонаи сокинони маҳал далели бевоситаи таваҷҷӯҳи онҳо ба масъалаҳои тозагии муҳити зист ва баланд бардоштани фарҳанги шаҳрнишинӣ мебошад.

    Аксия дар селпартои мазкур тавассути техникаҳои Раёсати обёрӣ сурат гирифта, дохили он аз партовҳои сахти маишӣ ва лойқа тоза карда шуд.

    Бояд қайд намуд, ки селпартои Свереденко аз бурриши кӯчаи Бухоро ва Шевченко оғоз ёфта, то селпартои Куйбишев тӯл мекашад. Аз селпартои мазкур ба миқдори 481,16 тонна партов ва лойу гил бароварда шуд.

    Гузашта аз ин, дар рӯзи баргузории аксия аз ҷониби нозирони Сарраёсат ба сокинони биноҳои истиқоматии кӯчаҳои Бухоро, Шевченко ва хонандагони МТМУ №52-и ноҳияи Исмоили Сомонӣ оид ба иҷрои Қоидаҳои тартиботи ҷамъиятӣ, ободонӣ ва санитарӣ дар шаҳри Душанбе суҳбат гузаронида шуд.


    Бозгашт