Баргузории аксияи “Тозагии маҳал” дар ноҳияи Ҷайҳун

                                                                                                                        

Ҷиҳати дар сатҳи зарурӣ истиқбол гирифтани 30-солагии Иҷлосияи XVI Шӯрои Олии Ҷумҳурии Тоҷикистон ва ҳамчунин 35- солагии Истиқлолияти давлатии Ҷумҳурии Тоҷикистон тозакориҳо дар шаҳру деҳот вусъати тоза касб кардаанд.

Аз ҷумла, дар асоси нақша - чорабниҳои Кумитаи ҳифзи муҳити зисти назди Ҳукумати Ҷумҳурии Тоҷикистон ва Сарраёсати ҳифзи муҳити зист дар вилояти Хатлон, аз ҷониби бахши ҳифзи муҳити зист дар ноҳияи Ҷайҳун аксияи “Тозагии маҳал” гузаронида шуд, ки дар он сокинони касбу кори гуногун бо масъулияти баланди ватандорӣ иштирок намуда, ба тозаву озода намудани маркази ноҳия, ҷамоату деҳот ва ҳамчунин гулгашту хиёбонҳои ноҳияи мазкур саҳм гирифтанд.

Чунин тозакориҳо баҳри беҳдошти ҳифзи муҳити зист ва сазовору хотирмон ҷашн гирифтани ҷашнҳои қарибулвуқуҳ дар ноҳияи Ҷайҳун бо маром ҳар ҳафта доир карда мешавад.