Баромади ҳайати Ҷумҳурии Тоҷикистон дар Ҷаласаи Пленарии Гурӯҳи корӣ (WG2020-3) ва баррасии лоиҳаи Қарори ислоҳшуда барои Конфронси тарафҳои Конвенсия

21 марти соли 2022 ҷаласаи пленарии гурӯҳи корӣ оид ба иттилооти пайдарпайии рақамӣ барои захираҳои генетикӣ таҳти раёсати Роҳбари гурӯҳи корӣ ҷаноби Ҳесикио Бенитез кушода шуд, ки он ба муҳокимаи ҳуҷҷати CBD/WG2020/3/4Add1 барои конфронси тарафҳои Конвенсия равона гардид.

Дар баромади ҳайати гурӯҳи Тоҷикистон масъалаи иттилооти пайдарпайии рақамӣ барои захираҳои генетикӣ, ҳамчун яке аз самтҳои муҳим барои ҳифзи гуногунии биологӣ ва сарватҳои генетикӣ дар Ҷумҳурии Тоҷикистон арзёбӣ гардида, доир ба ин масъала пешниҳодҳо ва таклифҳо ба ҳуҷҷати пешниҳодшудаи хотимавӣ ворид карда шуданд.