| Кумитаи Ҳифзи муҳити зисти назди Ҳукумати Ҷумҳурии Тоҷикистон
Тоҷикӣ      Русский      English
"Зарур аст, ки мо ба масъалаҳои ҳифзи муҳити зист,олами
наботот ва ҳайвонот, вазъи экологӣ муносибати ҷиддӣ
нишон диҳем ва бо ин мақсад ба таҷдиди назар дар
масъалаи такмили қонунгузорӣ дар ин соҳа ноил гаштем."
Эмомалӣ Раҳмон
Меню
  • АСОСӢ
  • ОИДИ КУМИТА
  • ФАЪОЛИЯТ
  • ҲАМКОРИҲО
  • ҚОНУНГУЗОРӢ
  • МАРКАЗИ АХБОРИ ЭКОЛОГӢ
  • ЭЪЛОНҲО
  • Кумитаи ҳифзи муҳити зисти назди Ҳукумати Ҷумҳурии Тоҷикистон



    БАРРАСИИ ИДОРАКУНИИ ЗАРФҲОИ ХОЛИШУДА АЗ ЗАҲРХИМИКАТҲО ВА ПАРТОВҲОИ ПЛАСТИКИИ КИШОВАРЗӢ БО ИШТИРОКИ ФЕРМЕРОН ДАР ҲИСОР
    Ахбор

    БАРРАСИИ ИДОРАКУНИИ ЗАРФҲОИ ХОЛИШУДА АЗ ЗАҲРХИМИКАТҲО ВА ПАРТОВҲОИ ПЛАСТИКИИ КИШОВАРЗӢ БО ИШТИРОКИ ФЕРМЕРОН ДАР ҲИСОР

                                                                         


    20221025_100304.jpg

    Санаи 25 октябр бо ташаббуси Маркази Орхус дар якҷоягӣ бо Муассисаи давлатии Маркази Стокголм оид ба ифлоскунандаҳои устувори органикии Кумитаи ҳифзи муҳити зист дар толори ҶДММ ба номи Латиф Муродови н. Ҳисор бо иштироки роҳбарони хоҷагиҳои деҳқонӣ дар мавзӯи “Системаи идоракунии зарфҳои холишуда аз заҳрхимикатҳо ва партовҳои пластикии кишоварзӣ» вохӯрии муфид баргузор гардид. Пеш аз оғози чорабинӣ аз тарафи намояндаи Маркази Орхус ба иштирокчиён варақаҳои иттилоотӣ бо унвони “Дар муносибат бо зарфҳои холишуда аз пеститсидҳо чораҳои бехатариро риоя бояд кард”, ки аз ҷониби Кумитаи ҳифзи муҳити зист ба нашр расонда шудааст, тақсим карда шуд.

    Сардори Маркази Орхуси Кумита Яқубов Ҷамолиддин доир ба моҳияти конвенсияи Орхус, принсипҳои он ва фаъолияти Марказҳои Орхуси Тоҷикистон ба иштирокчиён маълумот дод. Қайд гашт, ки   қабул гаштани “Барномаи давлатии комплексии рушди тарбия ва маърифати экологии аҳолии Ҷумҳурии Тоҷикистон барои солҳои 2021 – 2025” барои дар сатҳи зарурӣ бохабар намудани аҳолӣ заминаи хуб фароҳам овардааст.

    Директори Муассисаи давлатии Маркази Стокголм оид ба ифлскунандаҳои устувори органикии Кумитаи ҳифзи муҳити зист Ҷураев Абдусалим зимни суханронии хеш доир ба моҳияти қабули конвенсияҳои байналмилалӣ, аз ҷумла конвенсияи Стокголм оид ба ифлоскунандаҳои устувори органикӣ сухан ронда таъкид намуд, ки дар ҷумҳурӣ айни замон партовгоҳҳои ҳудудӣ барои нигаҳдории муваққатии партовҳои хатарнок мавҷуд нест. Аз ин сабаб бисёре аз партовҳои корхонаҳои саноатӣ, заҳрхимикатҳо ва ҳатто зарфҳои холишуда аз заҳрхимикатҳо дар ҷойҳои номуқарраршуда партофта мешаванд, ки муҳити атроф ва саломатии мардумро халалдор месозанд.

    Сипас иштирокчиёни вохӯрӣ доир ба ҳолати зарфҳои холишуда аз пеститсидҳо пас аз истифодабарӣ табодули назар намуда, бо як овоз маълумотҳои пешниҳодшударо саривақтӣ ва таъсис додани анбори ҷамъоварии зарфҳои холишуда аз пеститсидҳо ва заҳрхимикатҳоро дар ҶДММ ба номи Л. Муродов ба мақсад мувофиқ шумориданд. 


    Бозгашт