| Кумитаи Ҳифзи муҳити зисти назди Ҳукумати Ҷумҳурии Тоҷикистон
Тоҷикӣ      Русский      English
"Зарур аст, ки мо ба масъалаҳои ҳифзи муҳити зист,олами
наботот ва ҳайвонот, вазъи экологӣ муносибати ҷиддӣ
нишон диҳем ва бо ин мақсад ба таҷдиди назар дар
масъалаи такмили қонунгузорӣ дар ин соҳа ноил гаштем."
Эмомалӣ Раҳмон
Меню
  • АСОСӢ
  • ОИДИ КУМИТА
  • ФАЪОЛИЯТ
  • ҲАМКОРИҲО
  • ҚОНУНГУЗОРӢ
  • МАРКАЗИ АХБОРИ ЭКОЛОГӢ
  • ЭЪЛОНҲО
  • Кумитаи ҳифзи муҳити зисти назди Ҳукумати Ҷумҳурии Тоҷикистон



    Корҳои фаҳмондадиҳӣ бо сокинону истироҳаткунандагон дар соҳили дарёи Душанбе ва Варзоб
    Ахбор

    Корҳои фаҳмондадиҳӣ бо сокинону истироҳаткунандагон дар соҳили дарёи Душанбе ва Варзоб                                                               

    Sequence 13.02_32_10_21.Still021.jpg

    Бо иқдоми Кумитаи ҳифзи муҳити зисти назди Ҳукумати Ҷумҳурии Тоҷикистон дар доираи татбиқи “Барномаи давлатии маҷмӯии рушди тарбия ва маърифати экологии аҳолии Ҷумҳурии Тоҷикистон барои солҳои 2021-2025” ва Нақшаи чорабиниҳои Кумитаи мазкур оид ба ҳадафҳои Даҳсолаи байналмилалии амал “Об барои рушди устувор, солҳои 2018-2028” аз ҷониби кормандони Сарраёсати ҳифзи муҳити зист дар шаҳри Душанбе, шуъбаҳои дахлдори тобеи он ва масъулини шуъбаи  ҳифзи муҳити зист дар ноҳияи Варзоб ҳафтаи сипаришуда бо сокинон ва истироҳаткунандагон корҳои фаҳмондадиҳӣ ташкил ва гузаронида шуд.

    Мусаллам аст, ки дар фасли тобистон бештар  хонандагони муассисаҳои таҳсилоти миёнаи умумӣ вақти таҳсили тобистонаи худро дар истироҳатгоҳҳои ноҳияи Варзоб сипарӣ менамоянд. Ҳамчунин, сокинони ҷумҳурӣ, аз ҷумла шаҳри Душанбе баҳри фароғат дар гармои тобистон ба истироҳатгоҳҳои ноҳияи мазкур  барои истироҳат мераванд.

    Дар вақти гузаронидани суҳбат бо сокиноне, ки дар наздики дарёи Варзоб-Душанбе будубош доранд, масълаҳои тозаю озода нигоҳ доштани дарёи Варзоб, ки қисми зиёди сокинони шаҳри Душанбе ҳамчун нӯшокӣ аз он истифода мекунанд, фаҳмонда шуд.

    Мақсади асосии баргузории чунин корҳои фаҳмондадиҳӣ аз ҷониби нозирони соҳавӣ пешгирӣ намудани ҳолатҳои қонуншиканӣ дар самти истифода ва ҳифзи манбаъҳои обӣ ва баланд бардоштани сатҳи экологии аҳоолӣ мебошад.

    Дар рафти баргузории корҳои фаҳмондадидӣ, “Телевизиони Тоҷикистон” ҷалб гардида, маълумоти зарурӣ тариқи шабакаи мазкур пешниҳоди аҳолӣ гардонида шуд.

    Бозгашт