Корҳои ободонӣ дар мавзеи Ромити шаҳри Ваҳдат
25 июни соли ҷорӣ дар ҳудуди резервати биосферии “Ромит” дар шаҳри Ваҳдат аксияи экологӣ баргузор гардид, ки дар ин чорабинии дастаҷамъона роҳбарон ва дигар кормандони сохторҳои дастгоҳи марказии Кумита, Агентии обуҳавошиносӣ, МД “Ҳудудҳои табиии махсус муҳофизатшаванда” марказу муассисаҳо ва шуъбаи ҳифзи муҳити зист дар шаҳри Ваҳдат фаъолона иштирок намуданд.
Иқдоми мазкур бо мақсади беҳтар намудани вазъи экологии ҳудуди резерват доир гардид.
Дар рафти чорабинии мазкур иштирокдорон ба тозакунии гирду атроф машғул гардида, саҳми худро дар тозаву озода намудани ин гӯшаи зебоманзар гузоштанд.