Маъракаи ниҳолшинонии навбатӣ дар шоҳроҳи Душанбе– Ваҳдат

2 марти соли 2023 дар қисмати рости шоҳроҳи Душанбе-Ваҳдат, дар ҳудуди ҷамоати деҳоти Баҳор, маҳаллаи Баҳор ҳашари дастҷамъонаи ниҳолшинонӣ баргузор гардид.

Дар ҳашари ниҳолшинонии мазкур раиси Кумитаи ҳифзи муҳити зисти назди Ҳукумати Ҷумҳурии Тоҷикистон Шерализода Баҳодур ва раиси шаҳри Ваҳдат Исмоилзода Мирзо Иброҳим иштирок намуданд.

Маъракаи ниҳолшинонӣ, дар доираи Лоиҳаи «Усули ҳамгироишудаи манзаравӣ барои таҳким бахшидани деҳқонони хурд ва чорводорон ба тағйирёбии иқлим дар ҳавзаи дарёи Кофарниҳон»-и Барномаи рушди Созмони Милали Муттаҳид сурат гирифт.

Мавзеи мазкур масоҳати 1,5 гектарро дар бар гирифта, беш аз 300 адад дарахти санавбар шинонида шуд. Дар маҷмуъ дар мавзеи мазкур 1100 бех дарахти санавбар шинонида мешавад, ки обёрии онҳо тариқи қатрагин ба роҳ монда шудааст.

Баъд аз шинонидани дарахтони гирду атрофи ҳудуди номбурда марҳила ба марҳила бо симтур махкам карда мешавад.