Натиҷагирии фаъолияти Сарраёсат ва шуъбаю бахшҳои ҳифзи муҳити зист дар шаҳру ноҳияҳои вилояти Хатлон дар нуҳмоҳаи соли 2022
8-уми октябри соли ҷорӣ дар толори Сарраёсати молияи вилояти Хатлон ҷаласаи Сарраёсати ҳифзи муҳити зист дар вилояти Хатлон оид ба фаъолияти нуҳмоҳаи соли 2022 мақомоти соҳавии мазкур доир шуд, ки дар он намояндаи Мақомоти иҷроияи ҳокимияти давлатии вилояти Хатлон, кормадони дастгоҳи марказии Сарраёсат ва шуъбаю бахшҳои ҳифзи муҳити зист дар шаҳру ноҳияҳои вилояти Хатлон иштирок доштанд.
Сардори Сарраёсат Саидзода Идило аз натиҷаи фаъолияти нуҳмоҳаи Сарраёсат ва шуъбаю бахшҳои он дар шаҳру ноҳияҳои вилоят маърӯза намуд.
Дар идомаи ҷаласа аз кори мудирони шуъбаю бахшҳои ҳифзи муҳити зист дар шаҳру ноҳияҳои Дӯстӣ, Бохтар, Кӯлоб, Восеъ, Хуросон ва чанде аз дигар пурсиш ба амал оварда шуд.
Қайд гардид, ки бахшида ба Ҷашни 35-солагии Истиқлолияти давлатии Ҷумҳурии Тоҷикистон аксияи “Тозагии соҳил” ва “Тозагии маҳал” пайваста гузаронида шуда, ба тозагиву озодагии деҳоту шаҳраки ҳудуди вилоят таваҷҷуҳи хоса зоҳир карда шавад.