Ниҳолшинонӣ дар шаҳри Леваканти вилояти Хатлон

Мавсими кабудизоркунӣ  дар шаҳри Левакант бомаром идома дошта, ин навбат тибқи нақша ҳашари оммавии ниҳолшинонӣ ташкил карда шуд, ки дар он кормандони тамоми ташкилоту идораҳои шаҳрӣ фаъолона ширкат намуданд.

Имсол дар шаҳри Левакант шинонидани 9 ҳазор бех ниҳолони сояафкану ҳамешасабз ва даҳҳо ҳазор гулҳои гуногун, аз ҷумла садбарг ва лола ба нақша гирифта шудааст.

Мувофиқи иттилои масъулин дар ҳудуди шаҳри Левакант хоҷагиҳои махсуси ниҳолпарварӣ фаъолият мекунанд, ки баробари таъмини талаботи шаҳр, ҳамзамон барои дастрасии дигар шаҳру ноҳияҳои атроф бо ниҳолони гуногун дар мавсими кабудизоркунӣ мусоидат менамоянд.

Дар иқдоми навбатии экологӣ 5 ҳазор бех ниҳолони дарахтони хушсифати ҳамешасабзу ороишӣ аз ниҳолхонаҳои шаҳр дастрас карда шуда, бо риояи талаботу қоидаҳои агротехникӣ шинонида шуд.