Об барои рушди устувор: идоракунӣ ва ҳамоҳангсозӣ
23 июни соли 2022 дар доираи Лоиҳаи «Усули ҳамгироишудаи манзаравӣ барои таҳкими устуворӣ ба тағйирёбии иқлим миёни хоҷагиҳои деҳқонии хурд ва чорводорон дар Тоҷикистон», ки аз ҷониби Фонди Адаптатсионӣ маблағгузорӣ карда мешавад, мизи мудаввар дар мавзӯи «Ислоҳоти соҳаи оби Ҷумҳурии Тоҷикистон ва идоракунии захираҳои обӣ дар ҳавзаи дарёи Кофарниҳон» баргузор гардид, ки дар он намояндагони вазорату идораҳо, муассисаҳои илмию олии Ҷумҳурии Тоҷикистон, мақомоти иҷроияи маҳаллии ҳокимияти давлатӣ, ташкилотҳои байналмилалӣ иштирок намуданд.
Сардори лоиҳа - Ғиёсиддин Немонов дар баромади худ оид ба мақсад, ҳадафҳо ва вазифаҳои мизи мудавару Лоиҳа суханронӣ карданд.
Идоракунии ҳамгирошудаи захираҳои об, аз ҷумла дар заминаи робитаи об бо масъалаҳои энергетикӣ, амнияти озуқаворӣ, ҳифзи муҳити зист яке аз воситаҳои асосии рафъи мушкилоти мавҷуда дар шароити тағйирёбии иқлим ба ҳисоб рафта, татбиқи он дар Тоҷикистон ниҳоят муҳим аст, аз ҷумла барои татбиқи ислохоти об дар Ҷумҳурии Точикистон.
Дар доираи Барномаи мазкур коршиносони миллӣ дар баромади худ оид ба мақсад, ҳадаф ва принсипҳо, нақша чорабиниҳо, маблағгузорӣ ва таин шудани Мақомоти ваколатдори махсуси давлатӣ оид ба танзими ва истифодабарӣ об суханронӣ карданд.
Дар мизи мудаввар масъалаҳои ислоҳоти соҳаи об дар Ҷумҳурии Тоҷикистон ва таҳлили вазъи ҳавзаи дарёи Кофирнигон, таҳия ва татбиқи нақшаи чорабиниҳои об ҳамчун механизми идоракунии ҳавзаи об дар ҳавзаи дарёи Кофирниҳон, инчунин таҷриба, мушкилот ва фаъолияти ассотсиатсияҳои истифодабарандагони об ва дигар ташкилотҳои ҳавзавӣ дар идоракунии захираҳои обии маҳаллӣ муҳокима гаштанд.
Хар як иштирокчии мизи мудаввар на танҳо дар бораи комёбиҳои ташкилотҳои худ, балки аз хама мухимаш, дар бораи тарҷибаю дониши худ суханронӣ намуданд.
Лоиҳаи Фонди Адаптатсионӣ, ки дар кишвари мо таҳти роҳбарии Кумитаи ҳифзи муҳити зист амалӣ карда мешавад, барои таҳия ва татбиқи равиши усули ҳамгироишудаи манзаравӣ барои таҳкими устуворӣ ба тағйирёбии иқлим миёни хоҷагиҳои деҳқонии хурд ва чорводорон дар Тоҷикистон дар яке ҳавзаҳои осебпазир ба тағирёбии иқлим, яъне дарёи Кофирниҳон равона гаштааст.