Сессияи пленарии ниҳоии Мақоми ёрирасон оид ба машварати илмӣ-техникӣ ва технологии (SBSTTA-24) Конвенсияи СММ оид ба гуногунии биологӣ
27 марти соли 2022, Сессияи пленарии ниҳоии Мақоми ёрирасон оид ба машварати илмӣ-техникӣ ва технологӣ (SBSTTA-24) таҳти раёсати ҷаноби Хесикио Бенитес Диас баргузор гашта, ба муҳокима ва қабули ҳуҷҷатҳои ниҳоӣ оид ба Барномаи глобалии гуногунии биологӣ, Барномаи IPBES оид ба кор, биологияи синтетикӣ, Арзёбии хатарҳо ва идоракунии хавфҳо, гуногунии биологӣ ва кишоварзӣ, намудҳои бегонаи инвазивӣ, гуногунии биологӣ ва саломатӣ, гуногунии биологии баҳрӣ ва соҳилӣ ва қабули ҳисобот равона гардид.
Кишварҳои тарафҳои Конвенсия дар ҳуҷҷатҳои ниҳоии Мақоми ёрирасон оид ба машварати илмӣ-техникӣ ва технологӣ (SBSTTA-24) як қатор пешниҳодҳо ва тавсияҳоро пешниҳод намуданд ва бо розигии ҳамаи тарафҳо ҳуҷҷатҳои пешниҳодшуда бо назардошти пешниҳодҳо қабул гардиданд.