Вохӯриҳои раиси Кумита бо роҳбарияти UNDRR ва UNEP дар шаҳри Ню-Йорк             

                                          

Дар ҳошияи иҷлоси сатҳи баланд оид ба бозбинии миёнамуҳлати чаҳорчӯби Сендай марбут ба коҳиши хатари офатҳои табиӣ вохӯриҳои дуҷонибаи раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода бо Директори Дафтари СММ оид ба кам кардани хавфи офатҳо (UNDRR) Паола Албрито, роҳбари Дафтари минтақавии UNDRR барои Аврупо ва Осиёи Марказӣ Октавиан Бивол ва роҳбари Департаменти робитаҳои байналмилалии Барномаи СММ оид ба ҳифзи муҳити зист Ҷамил Аҳмад доир гардиданд.

Зимни мулоқотҳои мазкур ҷонибҳо масъалаҳои бомуваффақ баргузории Конфронси оби СММ, ҳамбастагии рӯзномаи ҷаҳонии об ва офатҳои табиӣ, аҳаммияти татбиқи ҳадафу вазифаҳои чаҳорчӯби Сендай оид ба кохиши хатарҳои офатҳои табииро мавриди муҳокима қарор дода, тақвияти ҳамкориҳои дуҷонибаро таъкид намуданд.

Инчунин, раиси Кумита дар доираи иҷлоси чаҳорчӯби Сендай роҳбари ҳайат дар чорабинии канорӣ зери унвони “Тақвияти устуворӣ ва коҳиши хавфи офатҳои табиӣ дар кишварҳои рӯ ба тарақии маҳсур дар хушкӣ (LLDCs)”, ки аз ҷониби UNDRR, Дафтари СММ оид ба кишварҳои тараққиқардаи маҳсур дар хушкӣ, кишварҳои камтараққикарда ва кишварҳои хурди ҷазиравӣ (UN-OHRLLC) ва Намояндагии доимии Ботсвана ҳамчун раиси Гурӯҳи LLDCs танзим шудааст, иштирок ва суханронӣ кард.

Раиси Кумита Шерализода Б. А. оид ба таъсири чолишҳои ҷаҳонӣ, хусусан тағйирёбии иқлим ва хатари офатҳои табиӣ ба кишварҳои LLDCs ва зарурати андешидани амалҳои мушаххас дар беҳтар намудани ин ҳолат тазаккур дод. Инчунин, мавсуф роҷеъ ба чораҳои андешидаи кишвар дар татбиқи чаҳорчӯби Сендай ва Барномаи амали Вена табодули таҷриба намуд.